Fish and meat

已經係restaurant week既事黎既，呢間真係之前想去既其中一間餐廳，而且環境好坐又好食。

我呢個頭算就唔俾太多comment啦，都係正常既prama ham者。

但朋友呢個炸白飯魚就得好多啦，好香口之餘又炸得岩岩好，肯定好過平時一般中式做法 (流浮山某一間另作別論)。

主菜時間，呢個其實是bacon加蜆殼粉，唔，好正路的感覺。

呢個以為佢係sea bass就會有dd腥 (係，我承認有唔好既經驗)，點知又完全唔會之餘又好fresh，好彩冇判佢死刑者。

dessert時間就變番做行貨，上面呢個係rice pudding。

而呢一個就係lemon tart，朋友反映話ok bor。

好，為左試番佢d真章，之後要搵日試夜晚啦。

AMMO

呢間真係想寫好耐，而且地點又比較特別，但由於附近都好多office，所以間中都會full，要食飯既就早少少book。

之前都黎過一次，位置就係金鐘既亞洲藝術中心入面，入到黎餐廳最有印象就係呢個落地玻璃場景，因為出面就係一個樹林。

首先，餐前既麵包係好唔錯，又軟又夠暖，唔覺唔覺食食下好快清哂啦。

呢次就結合左兩次食既黎介紹番，眼見呢個係幾好食既，不過我已經冇咩印象佢係沙甸定係咩魚黎。

不過呢個蕃茄鮮凍湯真係要讚下，蝦好新鮮，凍湯酸度好夠又開胃。唔知遲d天熱又有冇得食呢?

已經唔記得係咩cappuccino既湯，飲落係帶點磨菇但又有少少dd酸既，配搭好似好新鮮下。

之後又食過呢個墨魚汁既炸魷魚，如果用來佐酒應該好唔錯，頭盤就好似多左少少，食極都食唔完。

到主菜時間啦，其實都係pasta類啦，兩個都好似係牛肉，不過一個係生一個係熟既，而下面個底係carbonara，老實講，個sauce好得下。

甜品時間，先講第一個既chocolate mousse cake + strawberry sorbet，賣相唔使講，chocolate 入口唔算太甜，再夾番酸酸地既sorbet，唔錯。

芒果系列呢，兩個都唔算好特別，下面個napoleon個皮太厚，而上面個布甸又少少偏酸，好睇但味道又差dd。

野食有時係要催至有，呢一樣會減番少少分，不過食物質素同環境真係好唔錯，值得再來既。

Le Port Parfume

寫專業食評，其實真係唔應該只食一次，而呢一間，我最少都去過3次啦。雖然3次都係lunch，但開業一年多以來水準依然保持，又繼續成為每季一吃的飯堂。

Set Lunch 篇:

前菜，主要都係食沙律，無論係蘋果沙律，又或者天熱個陣食melon 加Prama ham，沙律菜都係咁新鮮。

主菜，食過綠豆海既半邊燒春雞，以及signature到個連Le Crueset煲上既pork cheek，隔左個mon都聞到香味

dessert: egg pudding夠哂蛋味夠哂甜，floating island第一次吃時還是剛巧免費的，哈哈

A la Carte篇:

因為除夕冇得食set，但就有機會食d平時唔叫既，呢次食左crab cake加Angus ribs，好飽。
crab cake mix左粟米，蟹肉都好香啊，而下面的Angus ribs肉質肥美，邊食薯條邊食扒係暇佳享受

Le Bistro Winebeast

這回食飯的朋友都算有點傳奇，剛過去的兩個星期自己一個人去了緬甸旅行，聽說經歷都好過癮，所以趁價期來吃個便飯，著實不錯。

因為特意找一些比較特別些的，結果呢，來了這家本身在福臨門隔壁賣酒的那家Winebeast，在近皇后大道東的位置開了家Le Bistro Winebeast，吃個法國菜。

其實我在到場步前都去了Winebeast看看酒打發時間，也順便喝了他們試飲的Champagne及吃了塊鴨肝，對味的。

至於到了店內，其實菜式不多，不過也總算試了些這裡的基本盤。

既然之前說了這個都不錯，當然就先點鴨肝 (menu只寫Foie Gras，不過鴨鵝比例不詳)。

這個冇記錯應該係鴨肉餃，裡面的sauce主要是cream、芝士及再加少少南瓜，相當惹味。

由於食埋咁多呢d重口味野，結果飲左個將Southern Rhone數隻白葡萄都blend埋既呢一支，唔，係幾好聞既，喝下去的flavors就唔太明顯，而且finish又唔太長。

好啦，食主菜，都係牛扒，不過overcook左少少，但其實味道都唔錯的，中上quality左右，上面個舊就真係鵝乾啦。

開頭諗住支Gigondas有少少爆，反而飲到紅莓味加bubble gum，同埋有d gammy，襯家禽又或者羊會好少少。

呢一盤cheese，我其實係最鐘意左邊那個有淡淡咸香的，反而朋友就超喜愛中間的，百貨養百客，各有各特色。

吃完喝完上面所有的，真的夠飽了。

中國名粥

這次把場景搬去澳門，這家算是最近吃得最為滿意的一家食店。去的時候已經想試，不過沒有機會，所以就趁著今次早一點去，未到人家的午市時間光顧，而且還可以在街市買現成的海鮮吃，保證是最新鮮的。

銖記海鮮飯店

記得好多年前來過，不過剛剛上個月去完馬場試wine，之後順路過來到跑馬地熟食檔啦。其實夜晚熟食檔有兩家店在營業，一家是嫦記而另一家是銖記，哪一家好食點我不太清楚，不過剛巧兩次都是去銖記的。兩次都吃得好滿意。

Tea Saloon By Anotherfineday

是日清明假期，不過落在星期六，即係對我來說沒有任何著數。但唔緊要，最緊要還是有好東西吃，這次還特意上了半山。這回做懶人，走上半山要花長長的時間，倒不如坐的士去。

一杯屋

唔，這一間餐廳我都有一段時間沒有來啦，地點是澳門逸園中心八樓，而且幾年間數次來過都是午飯時間，晚餐的串燒也未試過。想著想著，好啦，都有一段時間沒有來過，而且又未試過晚飯時間的真章如何，所以也來一次啦。當然，水準是一貫的沒有變過，之前都有擔心過，但一聽到裡面的一大堆日文對話，相信擔心也是多餘的。上面的開頭點的上炭燒牛舌，開店到現在都沒兩樣啊，但我喜歡極上的啊，因為與仙台的有八成水準。

Mango Tree

 是日出遊之後，不經不覺已到晚飯時間，在Elements行了大半個圈之後，肚餓也總要找個地方落腳吃個飯。本應打算走上去podium那層open area的，但神推鬼撞之下走了去ICC方面的LV Gucci附近，就順便去了Mango Tree，幸好客人不太多，不然好可能要等位啦。

Jack's Terrazza & Oyster Lounge

為了慶祝K小姐趕deadline搞掂份paper，加上又算係慶祝我行緊運啦，特地找這一個來吃個飯。選西灣河鯉景灣的原因，大概是因為很久沒有來過，而且這裡人不多的緣故啦。不過真正的原因可能是很單純的，就是純粹這裡有oyster吃。又由於是oyster，所以又特地去買支Chablis，它的minerals與海鮮和生蠔是非常合襯的。不過，由於這一日較夜下班，到了這裡已經是八時半，附近又風大，吹到頭都甩埋。

市川日本料理

太古城呢，我就比較少去，不過當然有機會黎到又不要浪費quota，食一餐好的。是日下午七時半來到，如果吃日本菜的話，這裡的選擇不算多，所以就來這裡啦。

眼看有點稀奇的是，以為夜晚只有A la carte menu，原來還有夜晚的set dinner的，而且價位也只是貴午餐只是二三十左右，所以已經先打算點兩個dinner，之後不夠再想想需要追加與否。

上面的風水人是店家推薦的，唔，想起來應該是點獺祭會好一點。起碼獺祭那個名水會比風水人的名水會好一點吧。有關獺祭的名水，可以參考其中一集矛盾大對決的，youtube自己找。

La Pampa Argentinian Steak House

這間位於中環蘇豪的La Pampa Argentinian Steak House，門口有一個很有特色的屋型建築，在史丹頓街走到半路就到，好易認，選這裡的原因主要是K小姐想吃牛吧。這裡其實又沒有甚麼名菜，主要是牛扒、牛扒和牛扒，好吃就夠。

上面是我們點的Prama Ham with Melon，Ham不算風乾得很長月份，所以吃下去有點像平日的火腿，但就多了點煙燻味囉。

焼き肉伊呂波

唔，都有好一段時間沒有寫博，現在趁有時間補一下。這間伊呂波燒肉其實很久之前已經想吃，只不過是沒有找個藉口過來。終於輪到有一次A小姐慶生，就來吃一次啦。

想起來都有點誇張，我已經是三個星期內吃了三次燒肉，當然，有兩次是在旅途中不在香港啦。