酒在超市 4000 版聚

而家我都係好懶，真係鐘意就寫下就算，不過咁，有好野總會介紹俾大家既。

上星期二考完試，氣都未回哂又一口氣join左兩個tasting event，美其名係tasting event，其實咪又係咁，之不過，都有d gimmick既。

講番正題既4000版聚先，之前已經join過一次 (3000個陣)，個page而家都唔少人睇 (俾我當初add個陣得千幾個多好多)。版主都好有心咁介紹下超市有咩酒買得有咩係伏既，雖然而家個方向可能改左少少，仲有sake添，不過唔緊要，咁樣反而仲有多d新野睇。其中一支仲要福島縣既 “大七純米生酛”，當然有人聽到怕怕，但你知道實際地理位置既話問題不大的。而且在溫燗飲就岩岩好，本身米味可以好warming的。

呢次因為人多既關係，其實分左幾張檯坐，但係一人帶一支酒之後，中間張檯就變左一字長蛇陣，相機都映唔哂。

我地係有諗過整唔整番個page，介紹下飲過既wine，join過d咩event，不過呢，個個都咁懶，講左十年都係唔會成事架啦。算啦，都係睇番人地個d先。