G7 Private Dining

今次無啦啦去左一條叫己連拿利既街，目的就係去呢間意大利餐廳。中午唔太full，其實都係坐到20人多d，但私隱度極高，用餐範圍要行過走廊再上樓梯至到。

今日menu已經唔記得有咩，畢竟係大廚Eddy自己口講既，首先上左麵包，係自家新鮮整既，當然夠熱夠新鮮，仲可以再加蒜頭或者olive oil一齊食。

之後係四小款既前菜，左邊係煙薰魚，再隔離後係小蝦，再有好似煙火雞texture既，樣樣都好精彩。

到在湯既時間，中間除左有豆蓉之外，再加左蟹肉，lime，仲有少少spicy添，完全係刺激味蕾囉。

到左主菜時間，一行三人都係order呢個，煮得又岩岩好，牛肉固然夠嫩，連薯蓉都可以做到好精細既texture，軟軟既但又同時好有密度，算係食薯蓉食左咁多年，最好食既一次。

最後甜品都係食番個tiramisu，味道都好正宗，酒既份量又岩岩好。

入面仲有個open area，如果天氣好又暖暖地既話，一定坐得好舒服。值得搵次再黎。