日本奇談 - 2013年11月篇

這次暫且不寫紅酒，先寫一下這次旅行的小發現:

有關日本女孩

1. 我其實之前都冇咩點留意過, 乜原來而家日本D女仔除左會修眉之外, 又仲會紋少少眉既? 但係紋左呢, 又唔係真係咁靚, 係整齊左囉
2. 北海道D女仔整體都係比較高, 膚色又比較白, 而且天氣愈凍D條裙愈短, 個個都係咁, 唔知咩野構造的
3. 都唔知係咩定律黎，愈凍既地方D裙愈短，所以最後發現既係旭川既女生裙係最短既, 但不排除身上有大量暖包
4. 呢期好興孖襟褸，仲要係女仔著得普遍過男仔


有關交通

1. 旭川天冷都真係凍又凍過人, 但係d的士等客都仲係開住門的, 見到人都顛
2. 而且旭川D的士起標仲平過沖繩(490 yen)，不過之後按距離計反而同東京差唔多
3. 北海道長距離巴士價錢只係JR既一半，時間又唔係差好多，所以勁抵搭
4. 去小樽建議用一個tourist pass, 包來回小樽及一日札幌地鐵票，兩者仲竟然可以不同日子用
5. 由成田機場去勝沼搭左3個鐘JR, 最後竟然唔使2500yen, 大家請好好善用1500yen既NEX車票


有關飲食

1. 今次主要只係靠tabelog同第六感搵野食, 野食美味度竟然比想像中要好, 靠旅遊書既多數都係覺得質素比自己搵既差少少咁
2. 北海道黎講, 很很很好食的餐廳 (不計海鮮) 都主要集中左係札幌大通公園同すすきの附近, 而且貴又唔係好貴, 大約比係soho食平少少咁
3. 小樽既大和家壽司店, 師傅興起竟然送左拖羅同油甘魚俾我地食
4. 旅遊書上面介紹個d就不甚了了, 包括一家海鮮居酒屋和另一家吃蟹的
5. 仲以為去完北海道之後, 美食之旅就告一段落, 點知去到勝沼, 好戲竟然係後頭, 3餐都係食西餐, 冇一餐係要挑剔既
6. 勝沼附近既塩山有一家開左係小路入面既法國菜, 5000yen竟然可以由頭食到落尾, 酒水平均每支比出面都係賣貴1000yen不到


有關酒精

1. 好多地方有得試飲, 當中仲包括了台灣和日本機場既免稅店, 而日本機場個間仲竟然斟斟下個店員行開左, 我地自己黎
2. 係旭川街頭有間好大既酒舖, 入面附左有雜誌賣之外，仲發現到3支1983年mouton, haut-brion同margaux既magnum版放左係個celler度
3. 今次食親野都飲地酒, 已不知飲過多少款, 日本酒度由負數到+15都飲過 (即係由sweet到超dry) 
4. 基本上所有試sake同紅酒既地方(包括酒廠、博物館同酒舖), 佢地都唔驚你唔買, 係咁俾你試, 有時搞到去左一個地方, 最後試左5-6杯
5. 同場加映係勝沼麻屋葡萄酒, 係門口睇緊野竟然有CEO帶我地去佢地個vineyard參觀, 比之前去集團式既Chateau Mercian好好多, 可能係岩岩完成採收季節吧
6. 最後一日食飯竟然搵到支94年既Potensac, 仲要俾我地發現係right time to drink!!!

有關其他

1. TSUTAYA咩書咩碟都有得租, 當中包括香港代表既劇集 - 尋秦記, 我真係見到都有D呆左; 而且又見到明明係80年代出版既龍珠, 竟然仲新過我屋企放係度個D, 但佢地係本身係會租出去的

2. 札幌すすきの無料案內所竟然會出埋女仔係度招徠客人

3. 係北大(即係北海道大學)遊覽個陣, 同行既朋友無啦啦入左人地既弓道場, 最後呢, 係人地邀請我地去睇佢地練習

4. 東京真係好多普通話人, 我都係路過就算啦...