層雲峽的大雪山 (2013醇酒之旅 三)

經過之前一日的折騰之後，北海道之旅終於正式開始。所謂一日之計在於晨，食餐好既早餐其實是非常重要的，尤其是去旅行，吃不飽不會走得動。所以呢，一早起身就去左TuLLY's coffee搵野食。雖然面前既野食份量不多，但也只是580yen，俾著我十年前黎真係唔捨得去，去左松屋食就算，但而家愈來愈覺得日本d野食價錢十年如一日，咖啡已經平過香港d連鎖店，野食就一部分有平有貴，但好食過香港就肯定的。

食完都係十點半左右，係時候去巴士站等車上層雲峽，但其實呢，一日應該冇咩人好似我地咁樣搭巴士上去。當中的原因係，巴士會將一個小時應該行完既路程，用兩個小時黎行，完全係度考驗你的耐性，我和同行的朋友應該係唯一由頭坐到尾既。途中風光呢，應該會係秋天稻米田金黃色的時候最美的。

到達層雲峽已經是十二時半過後，我們基本上是先去找酒店，之後再上大雪山，中午的層雲峽靜得要命，基本上我們也看不多甚麼人，可以用人跡罕至黎形容，想搭順風車都看來都有點難度。不過，沿酒店的路上，雪山加上溫泉區的雪景本身是非常不錯的。

這次住的是ホテル大雪，其實它是一間規模較大的酒店，住係度主要係因為價錢適中，本身又有來回專車接送 (由於時間關係，只選了回程) ，基本上係用一個抵字來形容。

建築特色呢，就是七八十年代經濟泡沫期既style啦，否則不會起那麼大的，我看最爆的時候，頂多七八成滿，我們來的一天，應該都有數十個人來住的。