宗像丼

呢篇其實是回帶文，因為我食個陣已經係四月尾，食既原因呢，好明顯係屎忽痕見到d網友食過，搞到我都想食一次。但上網d人話會有多人排，所以我個日係搭的士去，11點半多dd已經到。咁，當然就係排左頭位。

入到去見到4個set揀，諗都唔諗就食特上啦。至於原因呢，當然係特上有海膽食，又有得影相呃like。

不過咁心急係冇用既，依食飯之前首先係黎左油甘魚麻醬刺身，呢d咁重味既野當然岩我啦，但食住一塊先，之後一塊留番陣間食。

其實睇相都知道佢好好食啦，而且海膽既份量真係多得有d誇張，不過重點都係夠新鮮。

除左就咁食之外，第二個食法就係搵紫菜包住佢啦，其實我都覺得呢d係gimmick黎既。

最後一個食法就係茶漬湯飯，連埋之前個塊油甘魚一齊落去食，個魚湯好好飲，不過將魚生整熟呢個食法呢，我其實是第一次見咋。

總結是... 都係搵多次過黎食，因為呃like度幾高下。