中國名粥

這次把場景搬去澳門，這家算是最近吃得最為滿意的一家食店。去的時候已經想試，不過沒有機會，所以就趁著今次早一點去，未到人家的午市時間光顧，而且還可以在街市買現成的海鮮吃，保證是最新鮮的。

呢窩野係是日重點，落左三隻蟹加瘦肉，三隻蟹係街市都只係68蚊，計埋工料和瘦肉應該唔使兩舊，一人又最少三大碗，鮮甜到呢，粥是綿綿的，而且又真係食飽人，唔似平時一細碗都收你80蚊既店舖。早知係咁既話就唔叫咁多，幾乎都食唔哂。

三隻都係水蟹來的，羔就比較少但好香，肉也好鮮甜，而且唔似香港有好多水草一齊秤。基本上食到停唔到口。

蝦用蒜蓉炒，本身蝦已經好好食，肉質也是鮮嫩帶點嚼勁，再加上蒜蓉的香味，人間極品啊。

原本是想吃白飯魚的，但看到鮑魚新鮮的還在動，肉又肥厚，不買對不起自己。吃下去呢? 嘿嘿，比之前幾年在青島吃的更好。更想不到的，竟然是下面的粉絲!!!

最後一道菜是煎魚餅，薄薄的一塊塊但好香脆，而且又有很香的鯪魚咪，本以為是很多但由於一點也不油膩的關係，全部吃光光。

以上埋單全數450元左右，三個人吃，一點也不貴，下次有機會都會再去。

地點: 沙梨頭臨時街市一樓熟食中心 (只做早市及午市)